“Там звіняць неўміручыя песні на поўныя грудзі, там спрадвеку гучыць мая мова, булатны клінок. Тая гордая мова, якую й тады не забудзем, калі сонца з зямлёю ў апошні заглыбяцца змрок”. Менавіта з такіх слоў У. Караткевіча пачалі вядучыя літаратурную гадзіну “Як мілагучна наша мова” у Рэдкарожская бібліятэцы. Яны адзначылі, што дзень роднай мовы асаблівы для кожнай нацыі, кожнага народа, бо няма народа без мовы, няма мовы без яго носьбіта. Бібліятэкар пазнаёміла прысутных з навінкамі літаратуры, прадставіўшы кнігі У.Караткевіча, Я.Коласа, Я.Купалы і іншых беларускіх аўтараў для дзяцей. Напрыканцы мерапрыемства адбыўся конкурс чытальнікаў вершаў на роднай мове.