6 лютага ў Глушанская сельскай бiблiятэцы прайшоў музычна-паэтычны вечар “Ёсць у паэта свой аблог цалінны…”, прысвечаны 110-годдзю з дня нараджэння народнага паэта Беларусі Аркадзя Куляшова.

Супрацоўнікі бібліятэкі распавялі прысутным цікавыя звесткі аб жыцці і творчасці паэта. Асаблівую ўвагу вядучыя надалі паэзіі юбіляра. На мерапрыемстве гучалі вершы, урыўкі з паэм: “Юнацкі свет”, “Карусель”, “Ёсць у паэта свой аблог цалінны…”, “Ліст з палону”, “Сцяг брыгады”, “Я хаце абавязаны прапіскаю”.