У Рэспубліцы Беларусь шырока вядома імя пісьменніка, сцэнарыста, літаратуразнаўца, грамадскага дзеяча – Алеся Адамовіча.

Нашай бабруйскай зямлі пашчасціла мець непасрэднае дачыненне да імя і творчай спадчыны гэтага выдатнага чалавека.

Дзякуючы творчасці пісьменніка пасёлак Глуша стаў вядомы на ўвесь свет.

Неўміручым стаў і подзвіг людзей, якія ў пасёлку жылі, змагаліся з акупантамі – сталі прататыпамі герояў рамана “Вайна пад стрэхамі”.

У раёне адкрыты дабрачынны рахунак для збору сродкаў на рэканструкцыю будынка былой аптэкі пад музей Алеся Адамовіча: 

Аддзел ідэалагічнай работы, культуры і па справах моладзі Бабруйскага райвыканкама

Отдел идеологической работы, культуры и по делам молодежи Бобруйского райисполкома 

р/с BY84АКВВ36421292723267100000

в филиале 703 ОАО АСБ Беларусбанк, БИК AKBBBY21703, УНП 701226324

Назначэнне плацяжу:

“Для изготовления проектно-сметной документации и реконструкции здания в п.Глуша под музей А.Адамовича”  

Створым музей разам! Падтрымаем добрую ініцыятыву!

У Глушы адкрылі “Прыпынак Адамовіча”

Шостага кастрычніка 2018 года ў Глушы адбылося адкрыццё аўтобуснага прыпынку “Прыпынак Адамовіча.

Пакуль працягваецца збор сродкаў на помнік і музей, ідзе ўзгадненне праектнай і іншай дакументацыі, ініцыятыўная група вырашыла пайсці нестандартным шляхам і звычайны аўтобусны прыпынак ператварыць у арт-аб’ект - мемарыял у сучасным стылі.

Зараз на сценах прыпынку - вялікі партрэт Алеся Адамовіча, карта Беларусі з асобна абазначанай Глушай і цытата з яго аўтабіяграфічнай аповесці “VIXI”.